ગોડાઉન સહાય યોજના 2026 | મેળવો ₹1,00,000 ની સહાય | Godown Sahay Yojana Gujarat

Godown Sahay Online Form, Ikhedut Portal Yojana : ગુજરાત સરકાર દ્વારા ખેડૂતો પોતાના પાકનો સુરક્ષિત સંગ્રહ કરી શકે તે માટે ગોડાઉન સહાય યોજના અમલમાં મૂકવામાં આવી છે. આ યોજના હેઠળ ખેડૂતોને પાક સંગ્રહ સ્ટ્રક્ચર (ગોડાઉન) બનાવવા માટે નાણાકીય સહાય પૂરી પાડવામાં આવે છે.

૧. કેટલી સહાય મળશે?

આ યોજના હેઠળ ખેડૂતને કુલ ખર્ચના ૫૦% અથવા વધુમાં વધુ રૂ. ૧,૦૦,૦૦૦ (એક લાખ) બેમાંથી જે ઓછું હોય તે સહાય મળવાપાત્ર થાય છે.

ઉદાહરણ ૧: જો ગોડાઉન બનાવવાનો ખર્ચ ₹૧,૮૦,૦૦૦ થાય, તો તેના ૫૦% એટલે કે ₹૯૦,૦૦૦ ની સહાય મળશે. (કેમ કે તે ૧ લાખ કરતાં ઓછા છે) 

ઉદાહરણ ૨: જો ગોડાઉન બનાવવાનો ખર્ચ ₹૨,૫૦,૦૦૦ થાય, તો ૫૦% લેખે ₹૧,૨૫,૦૦૦ થાય, પરંતુ મહત્તમ મર્યાદા મુજબ પ પૂરેપૂરા ₹૧,૦૦,૦૦૦ મળશે. 

૨. ગોડાઉન બનાવવાના મુખ્ય નિયમો અને ધારાધોરણો

• સમયમર્યાદા: ફોર્મ મંજૂર થયા પછી (પૂર્વ મંજૂરી મળ્યા બાદ) ૧૫૦ દિવસ (૫ મહિના) ની અંદર ગોડાઉનનું બાંધકામ પૂર્ણ કરવાનું રહેશે.

• સાઇઝ: ગોડાઉનની સાઇઝ ઓછામાં ઓછી ૩૩૦ ચોરસ ફૂટ હોવી ફરજિયાત છે.

►  બાંધકામ પદ્ધતિ:

• પાયો જમીનથી ૨ ફૂટથી વધુ ઊંડો અને જમીન સ્તરથી ૨ ફૂટ ઊંચી પ્લિન્થ (Plinth) બનાવવી 

• પ્લિન્થથી ફાઉન્ડેશન સુધીની દીવાલનું ચણતરકામ તથા છત પર પાકું PCC કામ કરવાનું રહેશે

• દીવાલની ઊંચાઈ લગભગ ૧૦ ફૂટ અને પ્લિન્થ લેવલથી છતની મોભની ઊંચાઈ ૧૨ ફૂટ હોવી જોઈએ

• ગોડાઉનમાં ઓછામાં ઓછો ૧ દરવાજો અને ૧ બારી રાખવી જરૂરી છે

• છત માટે ગેલ્વેનાઇઝ્ડ શીટ, સિમેન્ટના પતરાં કે નળિયાનો ઉપયોગ કરી શકાય છે

► પાત્રતા:

• તમામ જમીનધારક ખેડૂતો આ યોજનાનો લાભ લઈ શકે છે

• આજીવનમાં એક જ વાર આ સહાય મળવાપાત્ર છે

૮-અ ખાતામાં ગમે તેટલા ખાતેદારો હોય, તેમાંથી માત્ર એક જ ખાતેદારને લાભ મળશે

૩. જરૂરી દસ્તાવેજો (Documents) 

૧. ઓનલાઈન ભરેલી અરજીની સહી કરેલી પ્રિન્ટ

૨. જાતિનું પ્રમાણપત્ર (SC/ST કેટેગરી માટે)

૩. જમીનના ૭/૧૨ અને ૮-અ ની નકલ

૪. બેંક પાસબુકના પ્રથમ પાનાની નકલ અથવા રદ કરેલ ચેક (Cancelled Cheque)

૫. આધાર કાર્ડની નકલ

૬. બાંધકામ સામગ્રીના બિલ/પાવતીઓ અને સેલ્ફ ડિકલેરેશન

૭. રૂ. ૫૦ ના સ્ટેમ્પ પેપર પર નોટરી કરાવેલું બાંહેધરી પત્રક

૪. બાંધકામના પ્રૂફ માટે આપવાના ફોટા

• બાંધકામના ચકાસણી પુરાવા માટે નીચે મુજબના 4x6 સાઇઝના ફોટા જમા કરાવવાના રહેશે:

• ગોડાઉન બનાવતા પહેલાની ખુલ્લી જગ્યાનો ફોટો

• પાયાનું કામ પૂર્ણ થયાનો ફોટો

• પ્લિન્થ લેવલ સુધી કામ પૂરું થયાનો ફોટો

• ગોડાઉન પૂર્ણ થયા પછી ખેડૂત (લાભાર્થી) સાથે ગોડાઉનનો ફોટો

૫. અરજી કેવી રીતે કરવી?

• અરજી i-Khedut Portal (આઈ ખેડૂત પોર્ટલ) પરથી ઓનલાઈન કરવાની રહેશે.

• ખેડૂત પોતે મોબાઈલ/કોમ્પ્યુટરથી અથવા ગ્રામ પંચાયતના VCE (વી.સી.ઈ.) પાસે જઈને ફોર્મ ભરાવી શકે છે.

• પસંદગી ડ્રો (Draw) સિસ્ટમ દ્વારા કરવામાં આવે છે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - Godown Sahay Online Form, Ikhedut Portal Yojana