Home
યોજના-ભરતી
જ્ઞાન સહાયકોનો કરાર વધુ 11 મહિના લંબાવાયો, શૈક્ષણિક વર્ષ 2025-26ના ઉમેદવારોને મળશે લાભ

જ્ઞાન સહાયકોનો કરાર વધુ 11 મહિના લંબાવાયો, શૈક્ષણિક વર્ષ 2025-26ના ઉમેદવારોને મળશે લાભ

10:30 PM June 09, 2026 Gujju News Channel

જ્ઞાન સહાયકોના કરારને લઈને મોટો નિર્ણય લેવામાં આવ્યો છે. માધ્યમિક અને ઉચ્ચતર માધ્યમિક શાળાઓમાં કાર્યરત જ્ઞાન સહાયકોના કરાર રિન્યુ કરવાનો નિર્ણય કરવામાં આવ્યો છે.

Gyan Sahayak Karar Renew : રાજ્યની માધ્યમિક અને ઉચ્ચતર માધ્યમિક શાળાઓમાં ફરજ બજાવતા જ્ઞાન સહાયકો માટે મહત્વપૂર્ણ નિર્ણય લેવામાં આવ્યો છે. શિક્ષણ વિભાગે શૈક્ષણિક વર્ષ 2025-26 દરમિયાન સેવા આપતા તમામ જ્ઞાન સહાયકોના કરાર રિન્યુ કરવાની મંજૂરી આપી છે.

► જ્ઞાન સહાયકોના કરાર રિન્યુ કરવા નિર્ણય

મળતી માહિતી અનુસાર, રાજ્યની અનેક શાળાઓમાં શિક્ષકોની જરૂરિયાત હજુ પણ યથાવત હોવાથી સરકારે હાલ કાર્યરત જ્ઞાન સહાયકોની સેવાઓ ચાલુ રાખવાનો નિર્ણય કર્યો છે. આ નિર્ણયથી હજારો જ્ઞાન સહાયકોને રોજગારીની સતત તક મળશે તેમજ શાળાઓમાં શિક્ષણકાર્યમાં અવરોધ સર્જાશે નહીં.

► જ્ઞાન સહાયકનો કરાર મહત્તમ 11 મહિનાનો રહેશે

શિક્ષણ વિભાગના અગાઉના ઠરાવ મુજબ જ્ઞાન સહાયકનો કરાર મહત્તમ 11 મહિનાનો રહેવાનો છે. આ જ નિયમને આધારે આગામી શૈક્ષણિક વર્ષ માટે પણ કરાર રિન્યુ કરવામાં આવશે.

► શિક્ષકોની જરૂરિયાત યથાવત રહેતા લેવાયો નિર્ણય

આ અંગે શિક્ષણ કમિશનરે રાજ્યના તમામ જિલ્લા શિક્ષણાધિકારીઓને જરૂરી કાર્યવાહી કરવા અને લાયક જ્ઞાન સહાયકોના કરાર સમયસર રિન્યુ કરવાની સૂચનાઓ આપી છે.

► જ્ઞાન સહાયકોને કરારનો વિશેષ લાભ મળશે

ઉલ્લેખનીય છે કે શૈક્ષણિક વર્ષ 2025-26 દરમિયાન જ્ઞાન સહાયક તરીકે ફરજ બજાવતા ઉમેદવારોને જ આ કરાર રિન્યુનો લાભ મળશે. સરકારના આ નિર્ણયને જ્ઞાન સહાયકોમાં હકારાત્મક પ્રતિસાદ મળ્યો છે અને તેને શિક્ષણ વ્યવસ્થાને મજબૂત બનાવતું પગલું માનવામાં આવી રહ્યું છે.